المساعد الشخصي الرقمي

مشاهدة النسخة كاملة : لعبة المواويل الشعبية... مين يتحداني


أبو عبيدة الصفافي
11-17-2008, 02:07 PM
احبتي الكرام...

الحقيقة انو زفاتنا واعراسنا واجتماعاتنا مليئة بمواويل صفافية .. مواويل وطنية
مواويل شعبية.... رائعة وجميلة جدا....
لماذا لا نجمعها... بالنسبة لإلي أنا نفسي اجمعها وأحفظها

واخونا النجم الاحمر وابو قيس اكيد رايحين يساعدونا... لأنو هم حافظين ومعروفين بالاعراس والزفات...

احبتي الكرام .. حلو انو نجمعها...
بكرة بتصير مرجع.. ممكن نحطها في الأرشيف.. وممكن نزلها في الصفحة الرئيسية للموقع ... ممكن كثير شغلات..

يلا كل واحد يسالي صاحبو او سيدو او ستو...
ويجيبلنا شغلات حلوة
وكثير حلو لو فتحنا جبهة حرب
قصدي.. واحد يضرب موال.. والثاني يرد عليه...

يلا يا جماعة ...

أنا ببلش .. في موال ...

ألا يا بيت صفافا شرعي الأبواب........تاجي
احطك على جبيني مثل............تاجي
أي مهما طال البعد والغياب....... لاجي

وأفديكي روحي وفؤادي لو طلب..

يلا مين اللي بعدين يرد علي.... مواويل... زجليات... اي حاجة في أي حتة

روح البلد
11-17-2008, 02:17 PM
او عبيدة غنانا ومن حبك في عنانا
وانت الغالي عالنا طول العمر والزمان
والي بدة يتحداني ينزل ساحة ميداني
ساحة بيي وعرفاني وبعد قوتة مش خلقانه
ها وين الشباب وين

العقيد أبو شهاب
11-18-2008, 02:28 AM
أحلا موضوع

ولعت

واحنا رجالك يا بو صالح

واحنا زلام ما منصالح

يا ويل اللي نحاربو

بالسيف نقطع شاربو

يا ويل اللي يعادينا

ينزل عالساحة ويشوف

ضرب خناجر طعن سيوف
http://www.alaswaq.net/files/image/large_51977_15050.jpg

روح البلد
11-18-2008, 07:45 AM
الليلة بدي خلي الليل يصير نهار ويكدح نار
ويل الي بعاديني ويل
مابيحكي عن كل شي صار
وين الحداية والزجيلة
خمسة في عين الي ما يصلي على النبي

العقيد أبو شهاب
11-18-2008, 01:31 PM
طيب انا راح اعطيك اقوى موال بالعمر

يا حيف على اللي جرحهم جرحي وفوق الجرح داسوا
صاروا عساكر للعدا وإيد العدو باسوا

قالوا الحقوق ترجعت وعارقابنا داسوا
يا حيف شو جور الاهل قاسي اذا ساسوا

روح البلد
11-18-2008, 01:37 PM
ابو الزوز ماني ناسي بحطك تاج على راسي
وبالهمة والصفافي بنوكف وجهة العدوان
وابو عمر الغالي علينا بنحطك جوى عنانا
طول العمر والزمان
ولعت شباب ولعت
حولي حولي الله محييهم

العقيد أبو شهاب
11-18-2008, 01:58 PM
يا روح البلد
الله محيي أصلك يا أبضاي

وهي مني احلا موال

قلبنا الأرض قلبة بعد قلبة وحب يا روح البلد بظل جوا قلبي قلبي

اووووووووووووووووووف

دمعة عشق
11-18-2008, 04:16 PM
كلهم شباب انا شايفه

هي اللعبه صعبه للبنات خليناها الكم

القلب الدافيء
11-19-2008, 04:56 PM
والله هاد الموضوع عزيز على قلبي وبحب ان اسمع مواويل الزفات

فكرة حلوة يا ابو عبيدة المحافظة على التراث..والله يعطيك الف عافية...

هدول اغاني النسوان في الزفات

قاطعنا البحر بحريني
قاطعنا البحر بحريني
على مكحولة العيني
قطعنا البحر يا خالي على الي مهرها غالي

فوق راسك يا دمعة عشق صحنين جزاز
يا هيبة على العريس هيبة استاذ

غنيين لا يا بنات عماااا
غنيين لا يا بنات عمااا
هذا اليوم هذا اليوم فنااا

لي عودة ان شاء الله بس اسال واتذكر :):)

أبو عبيدة الصفافي
11-19-2008, 05:50 PM
هاهاها .. مشكورة بنت عمي القلب الدافئ
نعم الفكرة حلوة بس بدنا تعاونكو

القلب الدافيء
11-19-2008, 06:53 PM
في الخدامة دايما ابن عمي هههههههههه هذه محاولة مني

هااااااااااي حوطة بالله وحدة
هاااي طالعة من غزة
تشرب سيجارة وحدة لولولولييييييييييييي

دمعة عشق
11-19-2008, 07:56 PM
انا بحب هي
اطلع على الطياره فوق وافكك براغيها والعرسان اشكال والوان وابو عبيده يلي محليهاااااااااااا

روح البلد
11-19-2008, 09:00 PM
انا بحب هاي
دوس منت دايس يا محيط ومحمل عجايز يا دادا:d:d:d

دمعة عشق
11-20-2008, 08:32 PM
هااااااااااااااااااااااااااااوي يا صحن امجدره هاااااااااااااااوي يا مزين بالكزبره هااااااااااااااااااااااااوي وقالو القلب الدافىء ما ابتجوز هااااااااااااااااوي اتجوزت وقلعت عينهم

بنت البلد
11-21-2008, 08:30 AM
ميجنا

يا قلبي كل ماتحس جواتك بلم... بتصير مثل العاش بالدنيا بلم

يامندرا يا احباب عا صدري بلم... الله كريم بيجمع النا شملنا

عتابا
حبيبي الغاب عن عيني ولم راي... وكان النور بعيوني ولمراي

مابدي مال ولا عزوة ولمراي... بدي الي شلف عقلي وغاب

عتابا
اسف ملعب صبانا البوم نا ح بي.... خرجنا منو مذعورين نحبي
علواه ليتني قضيت نحبي... ولا شاهدت خذلان العرب

أبو عبيدة الصفافي
11-22-2008, 07:16 PM
محمد خاطبو ربو.. جمعة وليلة الاثنين

هانا واربط لا تسير.. لا تيجي بنت الامير..

بنت البلد
11-23-2008, 08:53 AM
شكرا يا ابو عبيدة على الموضوع القيم وحابه اشارك في كم موال:

أنا لأبكي وابكي طول عمري ..... وعلي ما زعلوني طول عمري

وأنا لأكتب سلامي وأرسلهم ..... حبر من دمع عيني وأنا أرسلهم

وأنا لو بدري انه الطير برسلهم ..... لأنه سريع في رد الجواب

وأنا لباكي وابكي لسلوني ..... ويارب أنا ببالهم ولاّ نسوني

بعد ما كنت أنا الغالي سلوني ...... واجا غيري علي واعتلى

العقيد أبو شهاب
11-23-2008, 11:54 AM
يوم الحد وسيفي حد وسيفي هد الجبالي.. يا حلالي يا ماليه

يوم الاثنين سديت الدين وصرت اظحتش على حالي... يا حلالي يا مالية

يحيا العدل
11-23-2008, 03:18 PM
خلص معناتو ما في داعي نجيب حدا على عراسنا الصفافية بلا شفيق بلا أبو السائد

وهاي ميجنتي...

ميجنا يا ميجنا يا ميجنا جاع الحبيب وأكلت محلو انا، جاع الحبيب وآآآآكلت محلو أنااااا.

ما شاء الله عليكو يخزي العين عنكو .

القلب الدافيء
11-24-2008, 09:01 PM
لولاحي يا دالية

يا ام غصون العالية

لولاحي عجبال ناطور...:cool::cool:

العقيد أبو شهاب
11-25-2008, 01:39 AM
هبت النار والبارود غنا.... يا ابو شهاب يا حامي وطنا

هبت النار في بوز السيارة ... با عقيد يا حامي العذارى


كيف امن هالموال؟؟

النجم الأحمر
11-25-2008, 01:47 AM
يا محلا ضرب السيوف في العدى و الكل يشوف
يا محلا ضرب الشباري في العدى و الدم جاري
يا محلا ضرب المرتين فوق جبالك فلسطين

و دمتم بخير

العقيد أبو شهاب
11-25-2008, 01:51 AM
ولعت يا نجم

هي المواويل ولا بلاش

يا عين الصلاة عالنبي ... والورد فتح للنبي

هي واااااااااااااااااااااااااااو يا واو

شلوووووووون

لأشق البحر بسيفي شق منشار .....يا وووووووااااااااااااااو

شلونوووووووووووووووو

وامشي على الشط حافي

شلووووووووووووون

مشيك مع الانذال ترخص ولو كنت وافي....
هيييييييييييييييييييييييييييييي

النجم الأحمر
11-25-2008, 01:55 AM
و أه يا صوت الربابة... بحجر تحدينا الدبابة
وآه يا صوت القيثارة.. بفرد تحدينا الطيارة..

بنت البلد
11-25-2008, 02:37 PM
هذي اغنية بيغنينها النسوان في اعراس بلدنا
وحابة اهديها للنجم :) ولأبو عبيدة :) عقبال ما نفرح فيهم ونزفهم

لاطلع ع الطيارة فوق وأحلحل براغيها
والعرسان أشكال ألوان يا محمود يا محليها
والعرسان أشكال ألوان يا محمود يا محليها

لاطلع ع الطيارة فوق وأحلحل ماكنيتها
والعرسان أشكال ألوان يا ضياء يا زينتها
والعرسان أشكال ألوان يا ضياء يا زينتها.

بنت البلد
11-25-2008, 02:40 PM
وهذي ليحيا العدل مني هدية عقبال ما نفرح فيك (يالله بلكي عملنالكم عرس مشترك:)

شرابي يا رمان
كل أربعة بريال
شرابي يا رمان
كل أربعة بريال

فصلت له البدلة
والبدلة لايكة عليه
فصلت له البدلة
والبدلة لايكة عليه
والبسها يا محمد
يا خيال العرسان

القناص
11-25-2008, 04:08 PM
اول كلامي بصلي ......عل النبي الهادي
نبي محمد ونورو ........من القبر بادي
لا تحسبو كثرتكم ......تغلب شجاعتنا
بالسيف من وسطكم .......نطلع جماعتنا


هذا يا اخوان زجل منطقة القدس ابا عن جد يعني خاص بالقدس يسمى (السامر )

العقيد أبو شهاب
11-25-2008, 04:23 PM
وانتو يا نشامى منين ... احنا ربعك يا عقيد

والنعم والنعمتين

مسا الخير مسا الخير

مسا الخير على الصفين

قوم ارحل يا امير الشام

قوم ارحل وامشي قدام

قوم ارحل عمكة

مكة عليها السلام

يا صلاتك يا محمد

يا خزاتك يا ابليس

القناص
11-25-2008, 04:52 PM
ومن بيت صفافا طلعت مسيره ......مسيره اهتزت فيها هالديره
مسيرة باسل غضب الشوارع ........شهيد الثوره وابن فلسطينا
السروه الخضرا بتشهد علينا........علم يرفرف واحنا الحطينا

أبو عبيدة الصفافي
11-25-2008, 08:25 PM
قناص.. مشكور كثير.. رائعة ..

والجميع مشكورين على التفاعل... وكثير حلوة مووايلكو


يا حمام يا حمام ... يا رسول السلام

اول ما نبدي ونقول.. نصلي عطه الرسول

وقصة حبي لارويها بالحروف الابجدية

ايوى ها ... ايوى.. ها

المدمر
11-25-2008, 08:32 PM
والله يا ابو عبيدة كمان شوي بنقوم وبنرقص
رقص صامت
بس كثير حلو
موفقين عقبال ما نفرح فيك وباقي العزابية

أبو عبيدة الصفافي
11-25-2008, 08:35 PM
حبيبي.. مدمر...

عنجد مش ظايل غير تقلبها زفة

وعقبالك كمان..

المدمر
11-25-2008, 08:38 PM
زفة
انششششششششششاله
لما تهدى االمور شوي في بعض المواضيع المطروحة

أبو عبيدة الصفافي
11-25-2008, 08:42 PM
كل شي هادي

اللي بدو يهديها بهديها ..

المدمر
11-25-2008, 08:45 PM
ممكن
بس يا هل ترى ممكن حدا يستوعب الي كتبته

أبو عبيدة الصفافي
11-25-2008, 11:10 PM
اكيد ممكن

اخي المدمر

إن شاء الله حير

بنت البلد
12-02-2008, 07:49 AM
يانجم...... لاتشرق على داجي الليل................خل الظلام........ هناك يدفن خطايا

تدري وش اللي غاب في غيبة سهيل...............غير العطش فيني...... وبرد الزوايا

وتدري عن غيابك.. وناي المواوويل...............وكيف الخريف اصبح حصاد المرايا

وكيف البكا لا صار طرح المحاصيل..............وكيف الندم...... لاصار يملا الحنايا

وتدري عن الرهبه.. وخوف المقابيل..............وكيف الحذر..... لا صار رب النوايا

وكيف العمر يرحل على ضُمرالخيل..............وكيف المواني........ دمع ملّ الخفايا

وكيف السكوت ان فاض صبر الرياجيل.........يملا دروب النفس......... نار وشظايا

وبعض المنافي روح.. تعزف تراتيل............وبعض الوداع احيان........ يترك بقايا

ويانجم مرك قلب.. يرجف من الليل............وغاب الظلام.......... وكل قلبي خطايا

أبو عبيدة الصفافي
12-03-2008, 07:02 AM
حش واطعم للعجول
قام حداء محترف بإحياء عرس في مكان ما ببلادنا وكان في تلك الليلة بلا مزاج
فأحيا تلك الليلة بلازمة واحده : حش واطعم للعجول !! وكان الراقصون يردون
عليه يا حلالي يامالي ويترنحون حتى الفجر فقلت :

يا شايف شعبك مسطول
إعمل معاهم بهلول
إن قالوا القبله للشمال
لا تحاول تهدي رجال
بدي أحكيلك نصيحة
حش واطعم للعجول
***
إن شفت شعبك سكران
حط البغله بمرطبان
لا تصلح أي إنسان
أو قالوا الجمل ثعبان
وافق جميع الإخوان
واعمل بأحلى نصيحه
حش واطعم للعجول
***
إن شفت الناس انجنت
واشتاقت للجهل وحنت
ورقصت للصنم وغنت
وما شكت ولا أنـّت
من ظلم الصنم اتحنت
ارقص وغني معاهم
وحش واطعم للعجول
***
إن شفت شعبك ما نام
راكع ساجد للأصنام
إعلف قطيع الأغنام
سمعهم أحلى كلام
احمل منجلك يا خال
وحش واطعم للعجول
***
إن شفت الشعب نايم
مثله مثل البهايم
في حب الصنم هايم
إله ساجد أو صايم
إسمع مني نصيحه
حش واطعم للعجول
***
إن شفت الشعب سكران
من همه قاعد تعبان
إياك تنبه إنسان
إنه مش لازم ينهان
لا تعمل فيها فهمان
وحش واطعم للعجول
***
إن شفت كل البلاوي
وعلى خير الشعب ناوي
الجهل طبيب يداوي
إعمل في شعبك حاوي
وخلي قلبك من صوان
وحش واطعم للعجول
***
حش واطعم للعجول
وامشي فيهم عرض وطول
خلي الي بده يقول يقول
وحش واطعم للعجول
يا حلالي يا مالي

دمعة عشق
12-04-2008, 09:02 PM
الشماليه والشماليه والدكبه ما خلقت غير للصفافيه

بنت البلد
12-04-2008, 11:23 PM
حش واطعم للعجول
قام حداء محترف بإحياء عرس في مكان ما ببلادنا وكان في تلك الليلة بلا مزاج
فأحيا تلك الليلة بلازمة واحده : حش واطعم للعجول !! وكان الراقصون يردون
عليه يا حلالي يامالي ويترنحون حتى الفجر فقلت :

يا شايف شعبك مسطول
إعمل معاهم بهلول
إن قالوا القبله للشمال
لا تحاول تهدي رجال
بدي أحكيلك نصيحة
حش واطعم للعجول
***
إن شفت شعبك سكران
حط البغله بمرطبان
لا تصلح أي إنسان
أو قالوا الجمل ثعبان
وافق جميع الإخوان
واعمل بأحلى نصيحه
حش واطعم للعجول
***
إن شفت الناس انجنت
واشتاقت للجهل وحنت
ورقصت للصنم وغنت
وما شكت ولا أنـّت
من ظلم الصنم اتحنت
ارقص وغني معاهم
وحش واطعم للعجول
***
إن شفت شعبك ما نام
راكع ساجد للأصنام
إعلف قطيع الأغنام
سمعهم أحلى كلام
احمل منجلك يا خال
وحش واطعم للعجول
***
إن شفت الشعب نايم
مثله مثل البهايم
في حب الصنم هايم
إله ساجد أو صايم
إسمع مني نصيحه
حش واطعم للعجول
***
إن شفت الشعب سكران
من همه قاعد تعبان
إياك تنبه إنسان
إنه مش لازم ينهان
لا تعمل فيها فهمان
وحش واطعم للعجول
***
إن شفت كل البلاوي
وعلى خير الشعب ناوي
الجهل طبيب يداوي
إعمل في شعبك حاوي
وخلي قلبك من صوان
وحش واطعم للعجول
***
حش واطعم للعجول
وامشي فيهم عرض وطول
خلي الي بده يقول يقول
وحش واطعم للعجول
يا حلالي يا مالي


حش واطعم هالعجول :D:):eek:
يا حلالي يا مالي

كلمات الشاعر عبد الرحيم محمود

يعني يا ابو عبيدة قصدك حط راسك بين هالروس وقول يا قطاع الروس
وامشي مع التيار
موالك فيه وجع على فكرة يظهر تعب الحال وتغير المعايير في هالدنيا
ما بعرف هيك فهمت من العتابا

الله يعطيك العافية

بنت البلد
12-08-2008, 09:09 PM
إلى فلسطين رح لوّح بكفّي
هواها بكفّه والعالـم بكفّـه
بكفّي بعاد يا قلبـي بكفّـي
علوّا نعود ونبوس الترااااابْ

سيف الله المسلول
12-10-2008, 12:57 AM
ميجنا ... يا ميجنا... يا ميجنا
ما جَنى قحطانُ إلّا ما جَنا
نحن شعبٌ عربيٌّ دائخٌ
نحن أهلُ الأُوف أهلُ الميجنا



*
ميجنا... يا ميجنا... يا ميجنا
إبنُ شيخِ الدّيرِ حاخامٌ لنا
سَكِرَ المبروكُ نفطاً و دماً
و سقى الأبرارَ من آبارِنا
*
يا جبالَ الرملِ يا أطلالنا
من أتى بالدُّبِّ يغزوْ كَرْمَنا
نحنُ طَبّلنا و زَمّرنا لهُ
زَغْرِديْ حتى أُغنّيْ ميجنا
* * *
ميجنا... يا ميجنا... يا ميجنا
سقطَ التاريخُ يهويْ فوقنا
يا مُلوكَ الرّومِ هلْ منْ فارسٍ
يُخْرِجُ الزّيرَ من البيرِ لنا
*
كَرْبلاءَ الدّمعِ كمْ مرّتْ بنا
كَرْبلاآتٌ و مصّتْ دمّنا
إننا نمشي بدربٍ مُظلمٍ
فاغرِ السّفحِ عصيِّ المُنحنى
* * *

بنت البلد
12-15-2008, 11:26 PM
ميجنا... يا ميجنا... يا ميجنا
أنا إنْ أسْرفتُ من قهريْ أنا
سقطتْ آمالُ أمسيْ و غديْ
عُمرُنا أقصرُ من أحلامنا
*
شتلةُ الزيتون يا بُستاننا
رُبّما تُمسيْ حقولاً بعدنا
لم يمُتْ جدّي و لا ماتَ أبي
أنا إنْ خلّفتُ ما متّتُ أنا

ابو القاسم
12-17-2008, 06:38 PM
الدهــــــــرخـــــزّان أحـزانــه عَبالـــــــــي ------ وفصّــــــــــل من حـزن لــيــل عبَـــــالـي
وكل ما القدس عـنـّت عَ بالــــــــي ------ بســـــــــكب دمـــع عـينــــي عَ الحـبــــابِ

قلب بيت صفافا
12-30-2008, 06:39 PM
عل واو ما على الواو على الواو شلو
ما كان افديم في راسي ممممم

بنت البلد
02-14-2009, 09:56 PM
مد ايدو يحنونو .... طفلين صغير ما عادو يجيبولو

يما يا يما حشي لي مخداتي .... صبرك علي لما أودع خواتي

انشالله سن الدهب ابتمك ... ولى حرير مطرز على صدرك

بدعي على أبوك وبدعي على أمك ... بوجع السنون وعما لعيون

على حرف الجيم سموني جميلة .. على لبس التوب حملوني جميلة

يحرم دوركم عليي ... لما يغيب النسر ويبيض الغراب

بنت البلد
05-15-2009, 02:48 PM
شَعْبِ فلَسطينْ خَلِّي إيدَكْ خَلِّيها

عَلى هالرَّشاشْ إوْعَ إيدَكْ ترخيها


بارُودُ ونارْ هالبارُودة عَبِّيها

وانزِلْ بالْمُوتْ علّى استحَلِّ دْيارَك




لُغة البارُودْ هيِّ بَسِّ المْسمُوعَة

وخلِّي الألغامِ بْدارِ عَدُوَّكْ مزْرُوعَة

اهْجِمْ ع النّارْ بَلْكِ مِنُّه مبيوعة

قلْ لُه يا غدَّار هذه داري مِشْ دارَكْ